Mən, Fərid Əli, fleyta ifaçısı, vokalçı və həvəskar elektron musiqi prodüseriyəm. Hər növ musiqini sevirəm. Səs mühəndisliyi, səs dizaynı və marketinq üzrə təhsil almaq istəyirəm. İdeyam: Yaradıcı bir insan olaraq xəyalımdakı musiqi studiyasını açıb, bütün dunyaya səs salmaq istəyirəm.

Gələcək komandamla birlikdə öz studiyamın olmasını və bütün böyük konsertlərin və böyük tədbirlərin ön sıralarında olmaq istərdim. Biz dünyanı dəyişdirəcəyik.

/images/team/ferid-eli-fredy-dizzy1-2105190803.JPG

/images/team/ferid-eli-fredy-dizzy2-2105213203.jpg

Mənim adım Fidan Yunusdur. 18 yaşım var, Üzeyir Hacıbəyli adına Bakı Musiqi Akademiyasının Fortepiano fakültəsində təhsil alıram. Bu illər ərzində müxtəlif müsabiqələrdə iştirak etmişəm: Macarıstanda beynəlxalq “Milad işıqları” festivalı, Gürcüstanda L.V. Bethoven "Harmony" beynəlxalq festivalı, Azərbaycan, İspaniya və Polşada bir sıra müsabiqələr.
İdeyam: Creative Spark layihəsi çərçivəsində zehni və fiziki qüsurlu uşaqlar və yeniyetmələr üçün musiqi terapiyasıdır. Son bir neçə ildə musiqi terapiyasına dair tədqiqatların həcmində artım olmuşdur. Davam edən araşdırmalar zamanı bu sahənin müsbət təsiri barədə bir çox fakt aşkarlanıb.

Bütün bunları nəzərə alaraq, sağlamlıq imkanları məhdud gənclər üçün musiqi terapiyasının təşkili və idarə olunması yavaş-yavaş önəmli mövzuya çevrilir. Bu, həmfikir insanlarla əlaqə qurmağa kömək edəcək, həm də potensial olaraq musiqi sahəsini təmsil etmək üçün yeni istedadlar tapmağa kömək edəcəkdir. Tələbələrin özlərini bu dərslərdə xoş, təhlükəsiz və rahat hiss etmələri əsas prioritetdir. Onlara yeni bacarıqlar öyrədilir, musiqi və bəstəkarlar haqqında məlumat almaqda kömək edirlər. Bacarıqlarına arxayın olmalarını, ünsiyyət qurmalarını, şəxsən inkişaf etmələrini, psixoloji dəstək almalarını və zövq almalarını istəyirik. Dünya şöhrətli musiqiçilərin ustad dərsləri də keçiriləcəkdir. Onlar yalnız sevdikləri əsərləri ifa etməyəcəklər, həm də öz yollarında qarşılaşdıqları çətinliklərdən və necə uğur qazandıqlarından da danışacaqlar.

Mənim adım Xəyalə Cavadvenddir, Bakıda anadan olmuşam. 7 yaşında fleytada ifa etməyə başlamışam. 2016-cı ildə Future Stars Beynəlxalq Bədii Müsabiqə-Festivalında 1-ci yerə layiq görülmüşəm. 2017-ci ildə Bülbül adına orta musiqi məktəbi bitirdim və Bakı Musiqi Akademiyasında təhsil almağa başladım. 2017-ci ildə Makedoniyada Giffony Film Festivalında münsif olaraq iştirak etdim. Daha sonra 2019-cu ildə Bakıda keçirilən Salam Film Festivalında könüllü iştirak etdim.

İdeyam: Falcon Paketləşdirmə və Çatdırma şirkəti
Şirkətimiz müştərilərimizə musiqi alətlərini paketləşdirmə və təhlükəsizlik zəmanəti ilə dünya üzrə çatdırılmaya kömək edir.

/images/team/xeyale-cavadvend1-2105213706.jpg

/images/team/xeyale-cavadvend2-2105190704.JPG

Mənim 28 yaşım var. Bakı Musiqi Akademiyasında Fortepiano fakültəsində təhsil alıram. Bir çox layihələrdə iştirak edirəm (fortepiano duetləri, arfa və s.). Musiqi tarixi, musiqi nəzəriyyəsi, musiqi ədəbiyyatı, moda, dizayn, biologiya, sitogenetika, bədii rəsm ilə maraqlanıram.

İdeyam - unikal geyim dizaynıdır. Creative Spark proqramında iştirak etməklə bu ideyamı reallaşdırmaq istəyirəm və məşhurlar üçün bənzərsiz geyimlər hazırlayacağam.

/images/team/huseynova-medine1-2105191054.JPG

/images/team/medine-huseynova2-2105213805.jpg

Mən, 1998-ci ildə Bakı şəhərində anadan olmuşam. 2004-cü ildə, 6 yaşımda Şövkət Ələkbərova adına 20 nömrəli musiqi məktəbində musiqi təhsili almağa başladım. Məktəbdə oxuyarkən mən bir çox konsertlərdə iştirak etmişəm. 2013-cü ildə Asəf Zeynallı adına Bakı Musiqi Kollecinə daxil oldum. 2017-ci ildə dirijor Fərhad Qara Yusiflinin rəhbərliyi ilə gənc musiqiçilər üçün olan YARAT yay düşərgəsində iştirak etdim.

2017-ci ildə musiqi kollecini bitirdim. 2017-ci ildə Üzeyir Hacıbəyli adına Bakı Musiqi Akademiyasına, Fatimə İdyatulinanın sinfinə daxil oldum. İki semestr ərzində BMA Simfonik Orkestrinin konsertmeysteri olmuşam.
2017-ci ildə I Culture orchestra layihəsi çərçivəsində ustad dərsləridə iştirak etmişəm. Həmin ildə Qəbələdə X Beynəlxalq musiqi festivalında Cavad Tağızadənin rəhbərliyi altında BMA Simfonik orkestrinin konsertmeysteri kimi çıxış etdim.
Hal-hazırda 4-ci kurs tələbəsiyəm, eyni zamanda Fuad İbrahimovun rəhbərliyi ilə Bakı Kamera Orkestrində çalışıram.
Xəyalım dünyanı sarsıtmaq üçün öz leybl-ımı və musiqi studiyamı yaratmaqdır.

/images/team/memmed-mahmudzade1-2105191325.JPG

/images/team/memmed-mahmudzade2-2105213909.jpg

Mənim adım Ülkər Qüdrətlidir. 2020-ci ildə Bakı Musiqi Akademiyasında İnstrumental ifaçılıq (fleyta) üzrə magistraturanı bitirmişəm. Bir ifaçı kimi müxtəlif orkestrlərdə çıxış etmişəm.  Təhsil aldığım illərdə Gənclər Simfonik Orkestrinin, Bakı Musiqi Akademiyasının Kamera Orkestrinin üzvü olmuşam. Avropada, Birləşmiş Ərəb Əmirliklərində və Rusiyada bir sıra konsert salonlarında festival və konsertlərdə iştirak etmişəm. Bundan əlavə, uşaqlara dərs vermək mənə ilham verir, həmçinin fleyta öyrətmək təcrübəm var.
Müəllim olmağım mənə yeni nəsli yüksək keyfiyyətli musiqiçilər kimi yetişdirmək imkanı verir. Mən pedaqoji bacarıqlarımı beynəlxalq sahədə istifadə edə biləcəyimə ümid edirəm.

2019-cu ildə Bakı Musiqi Akademiyasının Bədii Tədqiqat Bilik Şəbəkəsi EURASIA layihəsi çərçivəsində Qriq Akademiyasında (Norveç) magistr tələbəsi kimi 1 semestr ərzində mübadilə proqramında iştirak fürsəti əldə etmişdim. Bir musiqiçi kimi mənim üçün böyük bir təcrübə oldu. Beləliklə, xarici müəllimlərin dərslərinə qatılmaq, müasir və yerli musiqi ilə və Norveç mədəniyyəti ilə tanış oldum.
Mənim ideyam Onlayn Musiqi Təhsilidir. Müxtəlif yaşda insanların musiqi bacarıqlarını inkişaf etdirə biləcəyi bir platforma yaratmaq istərdim. Onlayn musiqi platforması böyüklərə və ya yeniyetmələrə musiqi təhsillərinə başlamalarına kömək edə bilər.

/images/team/ulker-qudretli1-2105214021.jpg

/images/team/ulker-qudretli2-2105190710.JPG

Vüsalə Babayeva 1997-ci ildə Azərbaycanda Bakı şəhərində anadan olub. 2003 - 2014-cü illərdə Ü.Hacıbəyli adına Bakı Musiqi Akademiyasının məktəb-studiyasında fortepiano ixtisası üzrə təhsil alıb. 2014-2018-ci illərdə Bakı Musiqi Akademiyasında bakalavr dərəcəsini oxuyub (Prof. Oqtay Abasquliyev və Prof. Nərminə Quliyevanın sinfində) və fərqlənmə ilə bitirib. 2018-ci ildə Bakı Musiqi Akademiyasında magistr dərəcəsinə başlamış və 2020-ci ildə fərqlənmə ilə bitirmişdir.
2006-cı ildən etibarən Vüsalə Azərbaycan Respublikasının mədəni həyatında fəal iştirak edir. İlk musiqi uğurları “Məktəb-studiya - 25” Musiqi Festivalında 2-ci yer (2006), Qara  Qarayev adına 4-cü Bakı Musiqi Müsabiqəsində 3-cü yer (2007), 1-ci “Gənc Musiqiçilər Analiz edir və Çıxış edirlər” Elmi və Səhnə Musiqi Müsabiqəsinin II Mükafatı -  (2008)  olmuşdur. 2017-ci ildə Cövdət Hacıyevin 100 illiyinə həsr olunmuş Festivalda iştirak etmişdir.

2010-cu ildən etibarən bir neçə beynəlxalq müsabiqənin laureatı olmuşdur: Qara Qarayev adına 1-ci Beynəlxalq Elmi və İfaçılıq Müsabiqəsi (2-ci yer, Azərbaycan, 2010), 16-cı Beynəlxalq Musiqi Müsabiqəsi “Ümidlər. İstedadlar. Ustalar" (1-ci yer və münsiflər heyəti Prof. Tomislav Bainovun xüsusi mükafatı, Bolqarıstan, 2011), 7-ci Beynəlxalq musiqi konkursu “Baltik Ulduzları”  (2-ci yer, Estoniya, 2016), 7-ci Beynəlxalq Musiqi Yarışması “Baden-Vürtemberqdə Musiqili Atəşfəşanlıq"(1-ci yer, Almaniya, 2017), XV Beynəlxalq Musiqi Yarışması" Art-DUO "(1-ci yer "Absolute", Çexiya, 2018), Akademik, Xalq və Caz Musiqi İfaçıları 1-ci Beynəlxalq Müsabiqəsi (1 yer, 2020).
2012-ci il, 2013-cü il, 2014-cü illərdə  Almaniyanın Bavariya Musiqi Akademiyasında master-klass və konsertlərində iştirak etmişdir. 2011-ci ildən professor Oksana Yablonskaya (ABŞ), professor Yeva Poblotska (Polşa), professor Andreas Frolix (Almaniya), professor Yuri Boqdanov (Rusiya), professor Tomislav Baynov (Almaniya), professor Aleksandr Bonduryanskiy (Rusiya), professor Endre Hegedus (Macarıstan), professor Tamara Poddubnaya (ABŞ), professor Tomas Xext (ABŞ / Sinqapur), professor  Marian Sobula (Polşa), professor Aksel Qremmelşpaxer (Almaniya), professor Viktor Çuçkov (Bolqarıstan), professor Aldo Raqone (İtaliya), professor Marina Qorak (Sloveniya) və s. tanınmış fortepiano ifaçılarının dərslərinə qatılmışdır.
2012-ci ildə Vüsalə Babayeva Azərbaycan Prezidentinin xüsusi təqaüdünə layiq görülmüş və adı gənc istedadların "Qızıl kitabına"  daxil edilmişdir. 2017-ci ildə Azərbaycan Respublikası Gənclər və İdman Nazirliyinin "Gənclər Mükafatı" na layiq görülmüşdür.
2018-ci ildə Üzeyir Hacıbəyli adına X Beynəlxalq Musiqi Festivalı çərçivəsində Beynəlxalq Muğam Mərkəzində solo konsertlə çıxış etmişdir.
Vüsalə Babayeva mütəmadi olaraq  Azərbaycan Dövlət Simfonik Orkestri və Bakı Kamera Orkestri ilə çıxış edir. Hal-hazırda solist kimi karyerasını inkişaf etdirməyə davam edir, müxtəlif konsert salonlarında müntəzəm çıxış edir və eyni zamanda Ü.Hacıbəyli adına Bakı Musiqi Akademiyasında konsertmeyster kimi çalışır.

/images/team/vusale-babayeva1-2105214158.jpg

/images/team/vusale-babayeva2-2105214158.jpg

“Bir payız günündə 23 Noyabr 2002-ci il tarixində Şərq və Qərb mədəniyyətlərini özündə birləşdirən Bakı şəhərində gözəl bir qız dünyaya gəldi. Valideynləri ona maraqlı iki ad qoydular Zəhra və Cahan. Mənası Parlaqlıq (Zəhra), Kainat / Qalaktika (Cahan) deməkdir.
Böyüdükcə valideynlərinin sevinci oldu. 6 yaşında isə ilk dəfə məktəbə getdi. Böyük Azərbaycan opera tenoru Bülbül tərəfindən qurulan “Bülbül  adına orta ixtisas musiqi məktəbi" (Murtuza Məmmədov) istedadlı musiqi qabiliyyəti olan uşaqlar üçün idi.
Məktəb illəri müxtəlif konsertlərdə və festivallarda iştirak etməklə parlaq keçib.
2014-cü ildə Zəhracahan Şixəliyeva Bakıda “Muğam Mərkəzin” – də keçirilən BAROQUE festivalında uğurla iştirak etmişdir.

Məktəbi bitirdikdə, yüksək akademik göstəricilərinə baxmayaraq gələcək bir peşə seçməsi lazım olduqda, şübhəsiz ki, pianoçu olmağa qərar verdi. Və 2019-cu ilin yay aylarında ZəhraCahan Şıxəliyeva Üzeyir Hacıbəyli adına Bakı Musiqi Akademiyasına Fortepiano fakültəsinə daxil oldu. Erkən yaşlarından bu günə qədər bu kiçik qız valideynləri ilə birlikdə müxtəlif ölkələrə səyahət edib, gözəl yerləri görüb və digər xalqların mədəniyyətini öyrənmişdir. İngiltərənin bir çox şəhərlərində, Şotlandiya, İspaniya, İtaliya, İsveçrə, Fransa, Portuqaliya, Yunanistan, Türkiyə, Gürcüstan, Rusiya, Braziliya, Malayziya və Sinqapurda olub. Londonda Kral Musiqi Akademiyasının Fortepiano fakültəsinin konsertində iştirak etmişdir.
ZəhraCahanın adalara xüsusi marağı vardır. Maldiv, Seyşel, Kanar adalarına və Baliyə səyahət edib. Fərqli ölkələrdəki fərqli insanların həyatını görən ZəhraCahan qərar verdi ki, öz pulunu qazanaraq, uzaq qitələrdə musiqi sənəti haqqında təhsil və dərin biliklərə ehtiyacı olan insanlara kömək edəcəkdir. Uşaqlıqdan könüllü olaraq Afrikada uşaqlara yüksək sənət öyrətmək üçün tələbə konsertlərini təşkil etmək istəyib. İstəkləri çoxdur! Yalnız ZəhraCahan hal-hazırda oxuyur. Hal-hazırda klassik musiqi üçün pulsuz onlayn kitabxana çatışmazlığını hiss edir. Çox sayda ödənişli onlayn saytlar var, yalnız tələbənin ödəməyə imkanı olmur.
Bəzən bir musiqi kompozisiyası tapmaq ümumiyyətlə çətin olur və buna çox vaxt sərf olunur.
Beləliklə, yaxşı bir onlayn kitabxananın olması bu problemləri tələbələr üçün həll edir. Bütün izah etdiklərim ZəhraCahan Şixəliyeva haqqında düşüncələrim və fikirlərimdir.
Məndən soruşa bilərsiniz - “ZəhraCahan kimdir?” mən isə cavab verəcəyəm - "mənəm"
Layihədə iştirak etdiyim üçün çox şadam.

/images/team/zehracahan-sixeliyeva1-2105190529.JPG

/images/team/zehracahan-sixeliyeva2-2105214330.jpg